機場 - 隅有食神

2014年07月25日

馬交機場，過客匆匆，啟程亢奮，歸心似箭，著著皆無心眷戀，總之走為上著。倘偶航班甩期，被迫滯留，到餐廳祭肚，亦無奈之舉。故機場餐廳，不存奢望，求其一餐，食飽算數。

自馬二公主政，時有高招，與鄧老總一拍即合，誓以美食留人。馬交雖小，美食如雲，唯匆匆過客無緣細品。陳好景手下猛廚如雲，東西食制無一或缺，何不借得東風，旣益食客，又旺我場？

機場一隅，整得靚靚，唔在威煌，至要舒適。馬交美食，精要俱全。斬料小炒，睇得打得；甜品小食，亦唔失禮。崔第一偶爾幫襯，亦服膺小小一碗牛腩面。地道食味，往來過客又何須苦尋細覓去搵食？

雖處貴格之地，亦唔算謀人寺。西門細閱餐牌，同以機場言，乃平民價格，較諸市內名檔，也算實惠。還有一絕，落單上菜，竟然快過“赤煙”。故昔日寧可餓歸家者，今亦飽嘗始登機。小城美食，足揚名矣！

筆者:西門公子
新聞來源：澳門日報